Today's top 5 Shayari

maġhfirat kī nazar aatī hai bas itnī sūrat

ham gunāhoñ se pashemān rahā karte haiñ

maghfirat ki nazar aati hai bas itni surat

hum gunahon se pasheman raha karte hain

ik roz ik nadī ke kināre mileñge ham

ik dūsre se apnā patā pūchhte hue

ek roz ek nadi ke kinare milenge hum

ek dusre se apna pata puchhte hue

sher kahne kī tabī.at na rahī

jis se aamad thī vo sūrat na rahī

sher kahne ki tabiat na rahi

jis se aamad thi wo surat na rahi

qurbateñ laakh ḳhūb-sūrat hoñ

dūriyoñ meñ bhī dilkashī hai abhī

qurbaten lakh KHub-surat hon

duriyon mein bhi dilkashi hai abhi

aise rishte kā bharam rakhnā koī khel nahīñ

terā honā bhī nahīñ aur tirā kahlānā bhī

aise rishte ka bharam rakhna koi khel nahin

tera hona bhi nahin aur tera kahlana bhi